Himnesk súkkulaðikaka
Rosalega góð súkkulaðikaka en athugið að hún á að vera blaut þegar hún kemur úr ofninum. Síðan er hún kæld og jafnvel sett í frysti í nokkrar klst.
Bera fram með rjóma og jafnvel berjum og ís.
Innihald og bakstur
1/2 bolli sterkt kaffi
200 gr púðursykur
200 gr sykur
350 gr smjör
300 gr suðusúkkulaði
100 gr ljóst súkkulaði - eða hvítt
5 stór egg
- Kaffi sett í pott og sykrinum hrært út í. Látið suðuna koma upp.
- Takið af hellunni og hrærið smjörinu og súkkulaðinu í bitum saman við. Sykurblöndunin má EKKI SJÓÐA eftir að súkkulaði og smjörið er komið saman við. Hrært vel í blöndunni.
- Eggin eru hrærð saman og bætt úr í blönduna og allt hrært vel saman.
- Stórt lausbotna klemmuform er smurt vel. Blöndunni hellt í formið. Gott er að klæða mótið að utan með álpappír svo blandan leki ekki milli botns og forms.
- Kakan sett í 180°C heitan ofn og bökuð í 60 mínútur (ath. kakan er blaut í lokin).
- Kakan kæld (jafnvel sett í frysti - sem ég mæli með) í 3-4 klst. (ég geymi hana í frysti!).
- Með þessarri köku er gott að bera fram fersk ber og þeyttan rjóma eða ís.